ایران سے معاہدہ مشکل نہیں ہے، صدر ٹرمپ

مہر خبررساں ایجنسی کے مطابق امریکی صدر ڈونلڈ ٹرمپ نے کہا ہے کہ ایران سے ایک مضبوط اور قابل اعتماد معاہدہ ممکن ہے۔ امریکہ کے پاس ایسے ماہرین موجود ہیں جو اس معاہدے کی تصدیق کرنے کی پوری صلاحیت رکھتے ہیں۔

انہوں نے کہا کہ امریکہ کا مقصد ایک قابل اعتماد اور ٹھوس معاہدہ ہے، لیکن اگر ایسا معاہدہ نہ ہو سکا تو پھر صرف دو راستے بچتے ہیں۔

ٹرمپ نے ایران کے جوہری پروگرام پر پرانے الزامات دہراتے ہوئے دعویٰ کیا کہ اگر معاہدہ نہ ہوا، تو یا تو ان کے جوہری تنصیبات کو نرمی سے ختم کیا جائے گا یا طاقت سے تباہ کردیا جائے گا۔

ٹرمپ کے اس بیان کو ایران کے خلاف ایک بار پھر سخت موقف کے طور پر دیکھا جارہا ہے، جس کا مقصد ممکنہ طور پر تہران کو دباؤ میں لانا ہے تاکہ وہ مغرب کے مطالبات مان لے۔